İmişlidə   tövlə və  min ədəddən çox ot bağlaması yanıb

Hadisə ötən gün axşam saatlarında  İmişli rayonu Hacıalmuradlı kəndində qeydə alınıb. Kənd sakini R. Əbişova məxsus  fərdi təsərrüfatda yerləşən ot bağlamalarının yığıldığı çardaqda başlayan yanğın qısa müddətdə güclənib və yaxınlıqdakı  tövləyə keçib. Hadisə yerinə Fövqaladə Hallar Nazirliyi  Dövlət Yanğından Mühafizə Xidmətinin İmişli rayon Dövlət Yanğından Mühafizə Hissəsinin texnikaları və canlı qüvvəsi cəlb edilib. Yanğın söndürülərək ətraf ərazilərə və tikililərə keçməsinin qarşısı alınıb, 2 min ədəd  ot bağlaması yanğından mühafizə olunub. Hadisə nəticəsində ot bağlamalarının saxlandığı çardaq, 1300 ədəd  ot bağlaması və  tövlə yanaraq yararsız hala düşüb. Faktla bağlı araşdırma aparılır.