Pakistan Ermənistanı BMT-nin üzvü kimi tanımaq niyyətindədir və buna görə ona Avrasiya İqtisadi İttifaqına (ЕАЭС) qoşulmaq üçün yaşıl işıq yandırılacaq. Bu barədə TASS agentliyi BMT-dəki diplomatik mənbələrə istinadən məlumat yayıb.
“Pakistan həqiqətən bunu etməyi və qarşılıqlı addım kimi Aİİ-yə qoşulmaq məsələsində konsensus əldə etməyi planlaşdırır”, deyə BMT-dəki həmsöhbətlərindən biri agentliyə deyib.
Digər diplomatik mənbə qeyd edib ki, müvafiq prosedurlar bir neçə həftədən bir neçə aya qədər çəkə bilər. “Hər halda, bu, gözlənilən perspektivdir”, – mənbə əlavə edib. O, Ermənistanla Azərbaycan arasında sülh müqaviləsinin bu məsələdə heç bir maneə yaratmadığını da vurğulayıb.
Bir gün əvvəl Rusiyanın xarici işlər naziri Sergey Lavrov demişdi ki, Rusiya tərəfi Ermənistan və Pakistan arasında təmasların bərpasını alqışlayır və bunu “irəli gedən addım” adlandırır.
Avqustun 31-də Ermənistanın xarici işlər naziri Ararat Mirzoyan və pakistanlı həmkarı İshaq Dar Çində Şanxay Əməkdaşlıq Təşkilatının sammiti çərçivəsində görüşüblər. Danışıqlardan sonra hər iki xarici işlər nazirləri diplomatik əlaqələrin qurulmasına dair kommünike imzalayıblar.
Pakistan Qarabağın işğalına görə Ermənistanla diplomatik əlaqələri olmayıb. Üstəlik, uzun illər Pakistan Ermənistanın milli təhlükəsizlik doktrinasında milli təhlükəsizliyə təhdid kimi göstərilib.
Qeyd edək ki, avqustun 8-də Vaşinqtonda Ermənistan və Azərbaycanın xarici işlər nazirləri sülh sazişini paraflayıb, bundan sonra tərəflər regionda sülh elan ediblər.
MM.AZ
