Üç dost, bir gündə həlak olan üç qəhrəman şəhid

Üç dost, bir gündə həlak olan üç qəhrəman şəhid – Baş leytenantlar Qabil Orucəliyev, Cavid Dədəkişiyev və müddətdən artıq hərbi qulluçu Adil Adilzadə. Aprel döyüşlərindən dörd gün öncə Qabilin ilk övladı – oğlu dünyaya gəlib.
Amma Qabil oğlunun üzünü görə bilməyib və aprel döyüşlərinə qatılaraq şəhid olub. Övladına Qabilin adı qoyulub. Sabah şəhidimizin doğum günüdür. Onlar birlikdə döyüşərək hərbçilərimizlə iki postu düşməndən xilas ediblər. Üçüncü posta daxil olduqda isə hər üç dost şəhid olublar. Göstərdikləri qəhrəmanlığa görə Cavid Dədəkişiyev “İgidliyə görə”, Adil və Qabil isə “Hərbi xidmətdə fərqlənməyə görə” üçüncü dərəcəli medallarıyla təltif ediliblər.