Smartfonlar və internet uşaqların həyatının ayrılmaz hissəsinə çevrilib. İnternet təhsil, məlumat əldə etmək və ünsiyyət baxımından böyük imkanlar yaratsa da, həddindən artıq istifadə müəyyən problemlərə səbəb ola bilər.
Uşağın uzun müddət ekran qarşısında qalması onun gündəlik rejiminə, fiziki aktivliyinə və ailə ilə ünsiyyətinə təsir göstərə bilər. Əsas problem isə internetdən istifadənin nəzarətsiz hala gəlməsidir.
Valideynlər uşağın hansı məzmunlara baxdığını bilməli və yaşına uyğun olmayan materiallardan qorunmasına diqqət etməlidirlər. Bununla yanaşı, uşağa sadəcə “telefonu kənara qoy” demək əvəzinə alternativ fəaliyyətlər təklif etmək daha faydalı yanaşmadır.
İdman, kitab oxumaq, açıq havada vaxt keçirmək, ailə ilə birgə fəaliyyətlər uşağın gündəlik həyatında balans yaratmağa kömək edə bilər.
Məqsəd interneti tamamilə qadağan etmək deyil, ondan düzgün və təhlükəsiz istifadə vərdişi formalaşdırmaqdır.
MUASİRMEDİA.AZ
