Salyanda ildırım fərdi yaşayış evində yanğına səbəb olub-FOTO,VİDEO

Salyan rayonunun Şorsulu kəndində ildırım fərdi yaşayış evinə düşüb.
Nəticədə evdə yanğın baş verib, tikilinin bir otağı tamamilə yanaraq yararsız hala düşüb. Hadisə zamanı ev sahibinə xeyli maddi ziyan dəyib. Hadisə kənd sakini Məmmədov Maarif Suluddin oğluna məxsus fərdi yaşayış evində qeydə alınıb. Ev sahibinin sözlərinə görə, hadisə səhər saat 5 radələrində baş verib. Həmin vaxt oyaq olduğundan yanğını vaxtında aşkar edib və təhlükədən xəbər tutub. Alovun qısa müddətdə evi bürüməsi ciddi təhlükə yaradıb. Yanğının digər otaqlara da keçmə ehtimalı olsa da, hadisə yerinə gələn Salyan Dövlət Yanğından Mühafizə İdarəsinin əməkdaşlarının operativ müdaxiləsi nəticəsində alovun yayılmasının qarşısı alınıb. Yanğın nəticəsində evin bir otağı demək olar ki, tamamilə yanıb. Evdəki əşyalara və tikilinin özünə ciddi ziyan dəyib. Hadisə ailənin yaşayış şəraitinə də təsirsiz ötüşməyib. Xoşbəxtlikdən, ev sahibinin hadisədən vaxtında xəbər tutması və yanğınsöndürənlərin müdaxiləsi alovun daha geniş əraziyə yayılmasının qarşısını alıb.