Ukraynada enerji infrastrukturuna qarşı həyata keçirilən hücumlar ölkədə elektrik və su təchizatında ciddi problemlər yaradıb.
Ukrayna Prezidenti Volodimir Zelenski Rusiyanın genişmiqyaslı raket və pilotsuz uçuş aparatı hücumları həyata keçirdiyini açıqlayıb. Hücumlar nəticəsində yaşayış evlərinə, biznes obyektlərinə və enerji infrastrukturuna ziyan dəyib.
Ukrayna tərəfinin məlumatına görə, 600 mindən çox insan elektrik enerjisiz qalıb. Bəzi bölgələrdə su təchizatında da fasilələr yaranıb.
Rəsmi Kiyev enerji obyektlərinin qorunması üçün əlavə hava hücumundan müdafiə sistemlərinə ehtiyac olduğunu bildirir.
Qarşıdan qış mövsümünün gəlməsi vəziyyəti daha da həssas edir. Enerji infrastrukturuna zərbələr milyonlarla insanın gündəlik həyatına təsir göstərə bilər.
MM.AZ
