Salyanda gecə saatlarına iki mərtəbəli ev yanıb.
Hadisə şəhərin Cəfər Cabbarlı küçəsində qeydə alınıb. Ev sahibi, 1974-cü il təvəllüdlü Hüseyn Mürşüd oğlu Hüseynova məxsus iki mərtəbəli ev anidən alışmağa başlayıb. Hadisə yerinə FHN-nin Salyan Yanğından Mühafizə hissəsinin yanğınsöndürən maşınları və əməkdaşları cəlb edilib. Yanğınsöndürənlərin səyi nəticəsində yanğın söndürülüb və yaxınlıqdakı tikililərə keçməsinin qarşısı alınıb. 300 kv.m.evin 220 kv.m.yanaraq yararsız hala düşüb, 80 kv m.ərazi isə yanğınsöndürənlər tərəfindən mühafizə olunub. Qeyd edək ki, evdə yaşayış və əşya yoxdur. Hadisənin baş vermə səbəbi hələlik məlum deyil. Faktla bağlı araşdırma aparılır. MUASİRMEDİA.AZ
