Övladının əlillik pensiyası kəsilən valideyn aidiyatı qurumlardan kömək istəyir

Sabirabad şəhər, Heydər Həmidov küçəsində yaşayan Turanə Abuşova 8 yaşlı qızı Zəhraya dövlət tərəfindən ayrılan əlillik pensiyanın ötən ilin noyabrından dayandırılmasından narazıdır. Turanə Abuşovanın sözlərinə o, qızının səhətindəki problemə gprə, daha dəqiq desək görmə qabliyyətinin zəif olduğuna görə 3 il pensiya alıb. Zəhraya ayrılan pensiyanın müddəti bitdiyindən ana yenidən övladını Sabirabad Rayon Mərkəzi Xəstəxanasının göndərişi ilə paytaxtda yerləşən ixtisaslaşmış tibb müəssəsinə müainəyə aparıb. Lakin həkimlərin sonuncu dəfə verdikləri rəyə əsasən Dövlət Tibbi-Sosial Ekspertiza və Reabilitasiya Agentliyinə yenidən müraciət göndərə bilmir. Ana deyir ki, qızımı məktəbə hər gün özüm aparıb gətirməli oluram. Zəhranın görmə qabliyyətinin zəif olduğunu nəzərə alan sinif müəllimi də onu ön sırada əyləşdirir ki, yazı lövhəsini yaxşı görə bilsin. Turanə Abuşovanın sözlərinə görə qızına optik eynəyin təyin olunması ilə bağlı etdiyi müraciət də ürəkaçan olmayıb.. Məsələilə bağlı Sabirabad Rayon Mərkəzi Xəstəxanasından şifahi olaraq bildirdilər ki, 26.01.2017 – ci il təvəllüdlü Zəhra Abuşova yenidən xəstəxanadan müainədən keçməlidir və 6 aydan sonra uyğun olarsa Dövlət Tibbi-Sosial Ekspertiza və Reabilitasiya Agentliyinə müraciət göndərməlidir. O ki, qaldı uşağa optik eynəyin təyin olunmasına, xəstəxanada çalışan oftomoloqlar tərəfindən bu xidmətlər də göstərilir.