Gəncədə C.Cabbarlı adına 6 nömrəli tam orta məktəbdə şagirdlərin qida zəhərlənməsi ilə bağlı araşdırma aparılır.
Baş Prokurorluğun məlumatına görə, oktyabrın 1-də məktəbin 5 şagirdi qida zəhərlənməsi şübhəsi ilə xəstəxanaya müraciət edib.
Onlara ilkin tibbi yardım göstərildikdən sonra ambulator müalicəyə buraxılıblar və hazırda səhhətlərinin normal olduğu bildirilib.
Azərbaycan Qida Təhlükəsizliyi Agentliyinin əməkdaşları məktəbin bufetində yoxlama aparıblar. Şagirdlərin qida məhsullarını aldıqları bufetin fəaliyyəti nöqsanlar aradan qaldırılanadək məhdudlaşdırılıb. Məhsullardan nümunələr götürülərək laboratoriyaya göndərilib.
Zəhərlənmənin dəqiq səbəbi laboratoriya nəticələrindən və araşdırmanın yekunundan sonra müəyyənləşdiriləcək.
MM.AZ
