19 aprel 1954-cü ildə Xocalı şəhərində anadan olmuşdur Tofiq Hüseynov 26 fevral 1992-ci ildə qəhrəmancasına şəhid olmuşdur. 26 fevral tarixində keçirilən anım günü, onun Xocalı şəhərindəki qəhrəmanlığını xatırladır.
1961-ci ildə birinci sinfə başlayan Tofiq Hüseynov, 1971-ci ildə Xocalı şəhər orta məktəbini bitirmişdir. Ağdam şəhərindəki Kənd Təsərrüfatı Texnikumunun mexanizasiya fakültəsini başa vurduqdan sonra, 1974-cü ildə Sovet Ordusu sıralarına çağırılmışdır. 1976-cı ildə isə hərbi xidmətini Qazaxıstan Respublikasının Alma-Ata şəhərində tamamlamışdır.
Hərbi xidmətini başa vurduqdan sonra, Xocalı şəhər orta məktəbində hərbi hazırlıq müəllimi kimi işə başlamış və məktəbdə çalışdığı müddətdə kapitan rütbəsinə yüksəlmişdir. 1991-ci ildə Xocalı ərazi özünümüdafiə batalyonunun təşkilatçılarından biri olmuş və taborun komandiri təyin edilmişdir.
Meşəli kəndi uğrunda gedən döyüşdə, Tofiq Hüseynovun komandanlığı altında olan tabor, onlarla erməni yaraqlısını məhv etməyə müvəffəq olmuşdur. O, bölgədə “Mixaylo” ləqəbi ilə tanınmışdır. Tofiq Hüseynov düşmənin strateji top-batareya nöqtəsini susduraraq, Xocalını tez-tez top atəşinə tutan erməni qüvvələrini zəiflətmişdir. Mehdikənd kəndindəki erməni quldurlarının artilleriyası “Alazan” qurğusu ilə birgə sıradan çıxarılmış və farmalar darmadağın edilmişdir. Həmçinin, bu əməliyyatda on nəfər erməni yaraqlısı əsir götürülmüşdür.
Bu cəsur əməliyyatlara görə Tofiq Hüseynova mayor rütbəsi verilmişdir. 26 fevral 1992-ci il tarixində, Xocalı şəhərinin müdafiəsi zamanı o, döyüş dostları ilə birgə vuruşmuş və dinc əhalinin təhlükəsiz yerə köçürülməsi, düşmənin hücumlarının qarşısının alınmasında rəşadət göstərmişdir.
Sonuncu döyüşdə, düşmənin çox sayda canlı qüvvəsi və texnikasına qarşı qeyri-bərabər döyüş aparan Tofiq Hüseynov, axırıncı gülləsinə qədər mübarizə aparmış, əsir düşməmək üçün sinəsinə qumbaranı sıxaraq, özü ilə birgə yaxınındakı erməni yaraqlısını da məhv etmişdir. Tofiq Hüseynovun göstərdiyi qəhrəmanlıq və fədakarlıq Azərbaycan tarixində qalacaq və onun adı heç vaxt unutulmayacaq.
MUASİRMEDİA.AZ
