Milli Məclisin 30 oktyabr iclasında müzakirə olunan sonuncu məsələ Cinayət Məcəlləsinə və İnzibati Xətalar Məcəlləsinə dəyişikliklərlə bağlı olub.
Layihənin əsas məqsədi müxtəlif fəaliyyət sahələrində qanunvericiliyin tələblərinə əməl olunmasına nəzarəti gücləndirmək və hüquq pozuntularına görə məsuliyyət mexanizmlərini təkmilləşdirməkdir.
Dəyişikliklər aşağıdakı sahələri əhatə edir:
-
Enerji sektoru;
-
Su təchizatı;
-
Qaz təchizatı;
-
Telekommunikasiya;
-
Dövlət xidmətləri;
-
Ətraf mühitin mühafizəsi;
-
Məhkəmə ekspertizası fəaliyyəti;
-
Pulsuz hüquqi yardım qaydaları.
Layihədə vəzifəli və hüquqi şəxslər üçün məsuliyyət hədlərinin dəqiqləşdirilməsi, eləcə də müəyyən qaydaların pozulmasına görə yeni məsuliyyət tədbirlərinin müəyyənləşdirilməsi nəzərdə tutulur.
Bu dəyişikliklərin məqsədi qanunvericiliyin icrasını gücləndirmək, xidmət sahələrində intizamı artırmaq və hüquq pozuntularının qarşısını almaqdır.
Qanun layihəsi birinci oxunuşda qəbul edilib.
30 oktyabr tarixli plenar iclasda maliyyə nəzarətindən hərbi xidmətə, vətəndaşların pulsuz hüquqi müdafiəsindən korrupsiya ilə mübarizəyə qədər müxtəlif sahələri əhatə edən layihələr müzakirə olunub.
Müzakirələrin ən diqqətçəkən istiqamətləri pulsuz hüquqi yardım sisteminin yaradılması və korrupsiya barədə məlumat verən şəxslərin müdafiəsi olub.
MUASİRMEDİA.AZ
