Ukrayna Prezidenti Volodimir Zelenskinin ABŞ Prezidenti Donald Trampla Nyu-Yorkda görüşü gündəmin əsas beynəlxalq mövzularından biridir.
Görüşün BMT Baş Assambleyasının tədbirləri çərçivəsində keçirilməsi planlaşdırılır. Reuters-in məlumatına görə, müzakirələrin əsas mövzularından biri Rusiya-Ukrayna müharibəsi və enerji obyektlərinə zərbələrin dayandırılması ilə bağlı mümkün razılaşma olacaq.
Ukrayna tərəfi həmçinin hava hücumundan müdafiə imkanlarının gücləndirilməsi və “Patriot” sistemləri üçün raketlərin əldə olunması məsələsini gündəmə gətirir.
Zelenski artıq Nyu-Yorkda ABŞ senatorları ilə görüşüb. Tərəflər Rusiyaya qarşı sanksiyalar, Ukraynanın hava hücumundan müdafiəsi və qarşıdan gələn qışa hazırlıq məsələlərini müzakirə ediblər.
MM.AZ
